CADDHRIPULINA

Cantane li piscaturi susu l’onde te lu mare

cantilene senza tempo ca lu tiempu a da passare

poi lu jentu nde inchie le camise

e la luna scusi se nde trase

na nuveja a nanzi s’ave misa voglia di tornare a casa

e tra un po’ lucisce e nc’è mercatu

la paranza indietro tornerà

e tra un po’ llucisce la matina caddripulina

BANDISTA CLAUDICANTE

E vai a passu te marcia con il tuo scindi e nchiana

La vita te la sudi su n’anca ca nu sana

E guadi lu collega ca sona lu trombone

Tene vint’anni menu e tene l’anche bbone

E guardi san Giseppe lu portane in carrozza

Puru iddru è grandiceddru e bave cu la mazza

E guardi san Giseppe e te ssamija tantu

E penzi ca te mmeriti cu te fazzane santu

CANTO DALLA TERRA

tra muri a secco e chiappari papaveri e zanguni

murteddhre ficalindie brucacchie e pampasciuni

n’ ulivo secolare dalla corteccia bruna

ca quandu vene notte se illumina te luna

mo senza mme nde ccorgo la ziccu a canticchiare

Sulla cima cchiu erta oppuru a nanzi mmare

Quai nu vindimu nenzi, nc’è sulu quattru accordi

e dò versi strampalati contru tutti sti sordi

CHIOVE E IEU

chiove chiove chiove cci ndoru te acqua ca ncè...

ete acqua ca sciacqua ca mmoddhra ca ndacqua

ca scinde e riaffiora ca purifica e ndora

ca nde calma sta site acqua ca nde pruvvite

ca ristora ogni chianta acqua frisca acqua santa

ca nde sponza sta terra acqua pura acqua bella

ca guarisce e ca cura acqua sulla natura

acqua a catinelle ca nde apre le ombrelle

su pizzoche e briganti su li tiauli e li santi

acqua susu all’amanti ca se baciane scusi

IL MARE

Il mare è una tavola azzurra che brilla e si culla

E schizza sulla roccia bruna la sua bianca schiuma

E Il cielo gli si specchia dentro e di se lo colora

E Il sole di caldo lo bacia ed il vento lo sfiora

Ci svela il segreto del tempo che è solo un istante

E prova a se stesso che è vivo col suo moto incessante

Concreto ed insieme irreale sa di acqua e di sale

Ma l’acqua ed il sale non bastano a renderlo mare

LA LEGGE TE LI TURDI

Così lu cacciatore ca lu turdu sparau

lu proprietariu biondu ca poi lu reclamau

Lu confinante pacciu cu l’ape ancora a motu

Stesera tutti fiacchi tantu lu rraotu

Dovettero soccombere a quell’autorità

Le leggi su le leggi e questo già si sa

Son l’arma che protegge i deboli dai forti

E su uguali pè tutti se nu bè nditi ccorti

MALANGHIZZI CORNE E LITI

malangizzi corne e liti nun occorre cu le viti

m’hai critire ci te cuntu ca cristiana seria suntu

mena e damme sta tazzina poi dumenaca matina

nde truamu tutte a messa lu Signore nu ghe fessa

puru ca è nu bellu sguariu cu ticimu lu rusariu

vintimila patarnosci e tutti li paccati nosci

tutti quanti li parduna ci nu nde lassamu una

PATRUNU TE NENTI

Lu Tata me ricordu me ticia

Ngianucchiate soltantu sulla terra russa

Nu dire mai buongiornu a signuria

Nu te inchinare mai a nanti a naddhru fessa

E me quardava e forse me vitia già grande

Quattru capiddri ca se lisciuca lu jentu

Nun era Socrate Epicuro e mancu Dante

Ma è statu quiddru lu cchiu grossu insegnamentu

REUMA

E ci provi con l’Aulin certe volte col Vivincin

Voltaren intramuscolo per restare sul classico

E nu picca te llenta ma ritorna violenta

Dalla zona lombale fino alla cervicale

E ti invalida ti mobilita l’espressione un po’ attonita

Dopu qualche castimata ca sarà ca ete sciatica..

TONIU E CONCETTINA

Lu Toniu fucia cu le scarpe squartate

e caggi alla palla tirava

e la Concettina ricamu e rintagliu

cu la mescia a nanti mparava

lu Billy taccatu bajava allu jentu

lu tiempu passava cusì

tra li sciochi e le lacrime

tra rusari e castimate